D.J.AL Mooor3B M.R
عدد الرسائل : 83 العمر : 29 البلد_المحافظه : مصر_حلوان افضل مطربه لديك : لا يوجد افضل مطرب لديك : سمسم شهاب & محمد فؤاد المزاج : علم بلدك : تاريخ التسجيل : 07/05/2008
| موضوع: تحب حضرتك السم فى كباية عصير........ ولا تحب تسفه احسن؟؟!!!!!!!!!!!! 2008-07-03, 6:25 am | |
| اكيد هتستغربوا من العنوان اللى انا عملاه بس لما تعرفوا قصدى هتلاقوا انه شىء عادى جدا وده طبعا بالنسبه للواقع بتاعنا اللى احنا عايشينه هتقولولى ازاى هقولكم........ بالنسبه لينا احنا العرب دى ابسط حاجه بتتعمل فينا..بمعنى انه لما تيجى دوله اومنظمه عالميه تحب تطلع فى روح العرب وتدخل فى كل صغيره وكبيره لازم يكون ليها ستاره معينه بمعنى اوضح عشان ماتكلمش بالالغاز انهم بيبرروا لنفسهم السبب فى التدخل للقاده العرب والمنظمات التانيه عشان ما يقسموش معاهم الكحكايه و العرب بيكونوا عارفين المقاصد اللى ورا الاسباب المعلنه واخد بال حضرتك.. بس ياعينى بيكونوا كاشين وكل واحد بيقول طب انا هعمل ايه زى مايكون بيقول للى عاوز رقبته خليك حنين والنبى وانت بتدبحنى سبحان الله!!!!!!! وزى مايكونوا بيتوسلوا ليهم انهم ياخدوهم على اد عقلهم لا ويفرحوا كمان لما يقولولهم على سبب متزوق انهم ينحشروا بيه فى شئونهم وهنا بقى انا جيت لعنوان موضوعى بيحطولهم السم فى العصير واخواننا بيضحكوا على نفسهم وفى الاخر مايخدوش الا على دماغهم.......خلاص اشبعوا ماهو احنا مش فالحين الا فى الهتافات وبس..والجرى ورا معية السلطان عشان ننالوا الرضا السامى ونبقى شطار مش ارهابيين بجد انا مش عارفه هو ايه اللى بيحصل؟!!!! اكيد فيه حاجه غلط احنا ليه بنجرى ورا الكلام المتزوق وننسى اننا بكده بنقويهم وبنطلعلهم انياب والانياب دى بعد كده مش هاتطحن حد غيرنا لاحول ولا قوة الا بالله عليكوا ياعرب | |
|